Thursday, March 9, 2017

යථාවාරී වහා පූරා

Image may contain: one or more people and people sitting
















උඹ ගිහිං
මාස තුනකුත් වෙලා
අද ඊයෙ වාගෙමයි......
'දඩෝ අද නැද්ද මොකුත්'
අහන්න එකෙක් 
නෑ බං දැං.....
තාම කන බොන වෙලාවට
අපි මතක්කරනවා
උඹ ගැන
ඇත්තමයි
ඒ හැම තැනකම
ඉන්නවා උඹ
අපි ළඟ......
පිං දුන්නා අපි අද
මතක් කරලා උඹ ගැන
උඹ කැමති විදියටම
හැම දේම කලා අපි......
උඹ ගිහිං
මාස තුනකුත් වෙලා
අයියේ
අද ඊයෙ වාගෙමයි
අමතක වෙන්නෙ නෑ
කිසි දාක උඹව.......


Tuesday, December 13, 2016

ආලෝක අයියේ

‘දඩෝ 
අඩියක් ගහමුද?’
අහන්න උඹ ආයෙ එන්නෙ නෑ...
පැයකට
එක හමාරක් බොන්න
උඹ ආයෙ එන්නෙ නෑ.....
අයියෙ කියන ගමන් ම
උඹ කියල කියන්නත්
උඹ ආයෙ එන්නෙ නෑ
ඒ හින්දම,
උඹ නිදං ඉන්නවා බලන්න
මං ගියේ නෑ.....

Wednesday, November 2, 2016

කඳුළු මල

මලක් පිපෙනා තැනෙක
තිබුණාම කඳුළු බිඳුවක්
පිපෙනා මලත් වෙනවාද
නොදැනීම කඳුළක්

කඳුළු පොකුණ

සීතල පොළව ඉකිබිඳ
හැඬුවද හොරෙන් හැමටම
කම්පිත හඬට ඇහුරුණු
මලක් හෙව්වද කඳුළු ඉහිරුණු
ගහ මුල දිගට ඇතිරුණු
පොළව හෙළු කඳුළින් ම මතුවුණු
පොකුණක් වීය නෙත්කළු
මල මලේ රුව කඳුළු මැද දුටු

මල් සුවඳ පොද

හන්තාන කන්ද පාමුල
මල් වරා විහිදුණු ගසක් යට
ඉකි බිඳ හෙමින් වැළපෙන
හදවතක් වළලලා තිබෙනු දැක්කද......
සුවඳ රැඳි මල් වාරෙ මතකය
අතුරලා ගස යටින් හෙමිහිට
පින් සිරිත් කර පැන් වඩා බිම
බිඳුණු හද වළ දම්මෙ කවුරුද......
තවම හඬනා හදේ මතකෙට
මියුණු ගහ සුළඟට වැනෙන විට
ඒ මතක මැද සෙමින් මිය ගිය
මල් සුවඳ පොද මැකී යාවිද......