ගෙල වටේ මහ තදට
බුරුසු රැවුලක් වවං
තොල් උඩිං ලතාවට
බයිට් බෝතල් අරං
සෝඩා බෝතල් කඩන
කුමාර් උඹ ගැන දුකයි
ඇත්තටම මගෙ හිතට
අපි කියන අපි අහන
කතා උඹ අහන් නෑ
මේසෙ උඩ බයිට් එක
තියලා උඹ දුවන්නෑ
අඩුපාඩු හැම එක ම
නොබල උඹ යන්නෙ නෑ
ටිප් එකක් නොදුන්නට
කිසි දාක රවන්නෑ
දොර වහපු වෙලාවට
පුංචි අඩියක් ගහමු
ඒ ගහන වෙලාවට
අපි ගානෙ බයිට් කමු
දුම් උගුරු දෙක තුනක්
සිවිලිමට පා කරමු
අපෙ කතන්දර වහලා
උඹෙ කතා අපි අහමු
පැටලෙනා සිංහලෙන්
කතා කෙරුවත් අපිට
උඹ දෙමළ බව දැණුනෙ
නෑ අපිට කිසි විටෙක
බෝතලේ බයිට් වල
සෝඩ වල කිසි තැනක
ජාතියක් ජම්මයක්
තිබ්බෙ නෑ කිසි දිනෙක
