වළාකුළු බැම්ම ළඟ
එළාගෙන පොලිතීන්
හිරි වැටුණු කකුල් දෙක
වරින් වර දිග ඇරන්
පනස් වෙනි වතාවත්
වඳින්නට කරඩුවට
හීන් මැණිකේ ආවෙ
තනියෙම්ම දුර ඉඳං
ගෙවුණු අවුරුදු ගානෙ
වීදියේ මැද ඉඳං
නැටුම් නැටුවා ජයට
ටිකිරි නයිදේ හොඳිං
තනිකරලා මැණිකේව
ගියත් දෙව්ලොව බලං
ඉන්නෙ කොහොමද මැණිකෙ
නොබල පෙරහැර ඉතිං
ඇතා පිට කරඩුවට
මල් තියලා වැඳ සිතින්
හීන් මැණිකේ පැතුව
ඇරගන්න දොර නිවන්
No comments:
Post a Comment