දෙවොන්දරා මං ආවා
හිම මිදෙනා රටේ ඉඳන්
හිම දියවෙන ඔබෙ පොළවට
ඔබ දකින්න
ඇස් රිදි රිදි
දෙවොන්දරා මං ආවා
හයිවේ එක පහු උනාම
කැළණි ගෙඟ් ඉවුර දිගේ
වාහන පෙළ පහු කරගෙන
කළු දුම් රොටු මැදින්
දෙවොන්දරා මං ආවා
සුෂී කඩයි කබුකි හලුයි
මං දැක්කේ නැති උනාට
රතු පාටට චීන මකරු
මං දැක්කා හැම තැනකම
ඒ අතරින් ඔබ හොයාන
දෙවොන්දරා මං ආවා
දූලි පිරුණු පාරක් ළඟ
කපුටො ලගින බංකු කොණෙක
අඩමානෙට උන් ඔබ දැක
දෙවොන්දරා මං ආවා
බේරෙ ගෙදර ඉස්සරහම
පොඩි උණු කමිසයක් ඇඳං
කොණ්ඩය පීරලත් නැතිව
උන්නු ඔබේ ඉස්සරහට
ආවම මම පෙර වාගෙම
අඳුන ගත්තෙ නැති උනාට
ඔයාව බලන්න
දෙවොන්දරා මං ආවා
රිදී පාට හිස අතගා
මගෙ ළමැදට තුරුල් කරං
තතමි පැදුරු නැති මෙහේදි
කාඩ්බෝඩ් එකක එළං
ඔයා ළඟට වෙලා ඉන්න
දෙවොන්දරා මං ආවා
No comments:
Post a Comment