දුවේ

තියා පා පොඩි
සෙමින් ඇවිදින
මගේ හද මඩලේ
දුවේ නුඹ මගෙ
හීන අරගෙන
දුවයි මට රහසේ

මගේ ළය මත
හිස හොවාගෙන
නුඹ විඳින සෙනෙහේ
ගෙනෙනවා මට
නොනිත් අභිමන්
පියෙකුගේ උරුමේ

දිනන දා මතු
දිනෙක ලොව ඔබ
මා නොමැති සසරේ
තියේවී ඔය
කිරි සිනා මගෙ
මතක මග අතරේ

පොසොන් සැමරුම

පන්සල් ගොස්
සිල් අරගෙන
පන්සිල් ගෙන
බුදුන් පුදා
මිහින්තලේ
දන්සල් දී
මිහිදු හිමිට
කුසුම් පුදා
ජාති ආල
තෙල් ගිනි ගෙන
ගෙවල් කඩා
රුපුන් මරා
සියල් සතුන්
නිදුක් වෙන්න
මං පැතුවා
දොහොත් නගා

සිහින පැතුම

සිහින සිතුවම්
අඳින මා මනසේ
ආල හැඟුමන්
පිපී එයි රහසේ
හිතේ හැම කොණ
ඇවිදිනා සිතුසේ
නුඹ නැතිව මම
ඉන්නදෝ කෙලෙසේ

නුඹේ නෙතු ළඟ
මා දුටුව හැඟුමන්
නුඹේ හිත ළඟ
මා පිරුව පැතුමන්
සැබෑ කර ගමු
එක් වෙලා අපි
දිනා අපගේ
පෙම් ලොවේ අභිමන්

නුඹට මා නැති
ලොවක් නැති විලසින්
මටත් නුඹ නැති
ලොවක් නැති විලසින්
අපි අපේ ළඟ
හිඳිමු සැමදා
අපිට අපි හිමි
දිනක් එයි නිසැකෙන් 

මගෙම වන ඔබ

උදෑසනම හිරු
එළියක් සේ විත්
මා ළඟ නැවතී
ඉන්න අහනවා

සිනා සපිරි ඔබෙ
අවිහිංසක වත
මගෙ දුක් ලතැවුල්
නිවා දමනවා

නුඹ නොමැතිව
මම ඉන්නේ කෝමද
මං ළඟ සදහට
ඉන්න කියනවා

පෙම් හසරැල්

මිහිරි පෙම් හසරැල්
සිත පුරා විඳි මං
අහස පීරා
කෙසේ සොයමිද
මට ම හිමි තරුවැල්

බිම පිපෙන කොඳ මල්
විහිදුවන සුවඳින්
තෙමී මත් වී
කියන් එනවද
ඉන්නවා එනකල්

අහිමි කළ හසරැල්
ළං කරනු හැකි නම්
කොහේ යන්නද
නුඹව තනිකර
නුඹ මගෙයි හැම කල්