කලකට පසු

තනි වී තුරුළුව උන් හැටි මතකද
ලොවට හොරෙන් අපි හැන්දෑවේ
ළඟ නැති ඔබගේ සුවඳ දැනෙනවා
ඇස් පිය වූ විට සිතට මගේ
මල් පෙති විසිරී සුවඳ හමන විට
නුඹ මා හමු වූ මතක දිගේ
එක්වී යමු අපි යා හැකි මුළු දුර
නුඹ මගෙමයි මුළු සංසාරේ
තනියට හුරු වී ඉකි බිඳි මගෙ හිත
සොයනා උණුසුම ඔබෙ තුරුලේ
දැනෙනව මට යළි අඩු නෑ බිඳුවක්
ඔබ ළඟ ඉන්නම් මම පෙරසේ
නුඹ මා ළඟ නම් ඉන්නම් සතුටින්
තියෙනා තුරු දිවි සුසුම් මගේ
තියනවා සතුටින් දෙන්නෑ
මම දුක් ආයිත් කිසි දින හිතට ඔබේ

ඉන්නවා මං මෙහෙම මෙතැනම

එක්ව දුටු දුර ඈත සිහිනය
එක්ව තුරුළුව යළි දකින්නට
බලා ඉන්නම් යළිත් එනතුරු 
ඇඟිලි ගණිමින් මෙහෙම මෙතැනම
ඔබ නැතිව ළඟ දැනෙන පාළුව
කියා ගන්නට වචන නෑ මට
එන්න හැකිනම් නිසැකවම මම
එනව දකිනට මගේ සද ඔබ
එන්න පෙ සේ සිනා කැන් ගෙන
බලා ඉමි මං මෙහෙම මෙතැනම

නුඹ නැති පාළුව

දවනවා හිත තදින් 
නුඹ නොමැති කාන්සිය
දුකයි උහුලන්න බෑ 
නුඹේ උණුසුම නැතිව 
හිතම හිස්වී ගිහින් 
මගේ ළඟ නුඹ නැතිව 
ආදරෙයි මං ගොඩක් 
දැන් නැතත් මගේ ළඟ 
පාළුවට මා වෙලන 
දුකට මා සිත දවන 
කියන් පිළිතුරු බඳින 
හැටි නුඹත් ළඟ නැතිව 
ආදරේ තුරුළු කර 
මගේ ළඟ ගුලි වෙන්න 
එනවාද මං ළඟට 
තවත් කල් ගන්නැතිව

ප‍්‍රාර්ථනාව

හිත ළඟම ඔබ ඉඳං 
තෙපලනා වදනකින් 
මගේ හිත නිවෙන හැටි 
ඔයා දන්නවා නේද 
තුරුල් කරගෙන ළයට 
ඔබෙ සුසුම් විඳින්නට 
මං පෙරුම් පුරන හැටි 
ඔයා දන්නවා නේද 
ළමැද පිරි උණුහුමට 
තද කරං මගේ වත 
මං ඉන්න කැමති වග 
ඔයා දන්නවා නේද 
මගෙම කරගෙන ඔබව 
මං ළඟම තියාගෙන 
මං ඉන්න කැමති බව 
ඔයා දන්නවා නේද

හඳුන්වාදීම

මං දිමුතු, දිමුතු තෙන්නකෝන්. ජොබ් එක ග‍්‍රැෆික් ඩිසයිනින්. කම්මැලි කමට කරන්නෙ ලියන එකයි කියවන එකයි. 


කියවනවා කියන්නෙ ළ`ග ඉන්න අයට කණ් වල ඇ`ගිලි ගහ ගන්න කියවන එක නෙවෙයි. පොත් කියවන එක. මං පොත් ගුල්ලෙක්. ලියන්නෙ කවි. ඒවා කවි කියලා කියන්න පුළුවන්ද මන්දා. ඒත් නිකං ඉන්න වෙලාවට හිතට එන දේවල් කුරුටු ගාන එක දැන් පුරුද්දකට ගිහිං.


 මේ බ්ලොග් එකේ කවි ඇරෙන්න මගේ හිතට එන අනිත් දේවලූත් ලියන්න හිතං ඉන්නවා. ෆිල්ම්ස් ගැන, නාට්‍ය ගැන, පොත් පත් ගැන දේශපාලනය ගැන, හැම දෙයක්ම, ඉක්මනින් අප්ඬේට් වෙන බ්ලොග් එකක් වෙන එකක් නම් නෑ. රස්සාව කරන අතරෙ එපායැ ඔක්කොම කරන්න. ඉතිං මේක බලන්න එන හැමෝවම සාදරයෙන් පිළිගන්නවා.