තටු සලා අහස් කුස
නිදහසේ පියඹන්න
දුටු හීන බිඳී ගොස්
අත වනමි කළුවරට
දෙපා ඇති උන් අතර
හිනැහෙමින් නටන්නට
වරම් නෑ යළිත් මට
අසරණයි හදවතම
නටන ඔබෙ දෙපා යුග
සලිත වන ලතාවට
පෙම් කරමි මම තවම
බැරි උනත් නැගිටින්න
හිනැහෙමින් නැගී මට
නැඟූ ඔල්වර හඬම
මිමිණුවා වැටුණු මට
යළිත් නොනැගෙන ලෙසට
රුදුරු ලෝකයෙ ඇසට
වසන් වී ලතාවට
නටාපන් දිනන්නට
හිනාවෙන ලෝකයම
දිනන්නට පැතු ලොවම
කඩා වැටුණත් මුලට
දිරි ගනින් හදවතට
වැටි වැටී නැගිටින්න
No comments:
Post a Comment