දමා මීවිත බඳුනට
එක් කර අයිස් කැබලි ද
තබා එය මුව මත
ගිල දැමිමි එක උගුරට
රත් වන විට දෙකණ
පිරි මැද දෑත් එක පිට
තවත් හරි බරි ගැසිමි
ගිලෙනා කුෂන් පුටුවක
අඩ අඳුරු හාත්පස
දිලෙනා නියොන් එළි මැද
දිදිළුනා දෑසක්
බලමින් හාත්පස නොක වර
ගැඹුරු වූ ළමැද ද
රත් පැහැ ගැණුනු දෙතොල ද
සුදු පැහැති දඟ යුග
කරයි මන්මත් දකින හැම දෙන
ඉඟිමරා මදෙසට
නගා මදහසක් දෙතොලට
ළං උනා මවෙතට
නොවිමසා කිසිවකුත් මා ගැන
ළං කර ලවන් සවණට
පටලා දෑත් මා මත
තනි වෙන්න යන්නට
කළා ඇරැයුම් සෙමින් මා වෙත
ණයවර පතත් ගෙන
ගෙවා බිව් මී බඳුනට
ඈ අත ගෙන නැගිමි
යන්න සුර දූත පුරයට
ණයවර පත් ම හැර
අන් කිසිවක් ම නැති පර්සය
අරගෙන දිව ගියා
ඈ මා දමා තනි කර
No comments:
Post a Comment