බේබද්දා

බිඳුණු වීදුරු මැදින්
සුළි සුළං හමා එන
මීවිතේ මත නොවුව
බඳුන් එකිනෙක ගැටෙන
පුස් බැඳුණු බිත්ති ඇති
ඉරි තැළුණු බිමක් ඇති
අවන් හල් කොණෙක හිඳ
අතීතයෙ මැව් සිහින
හුදෙකලාවේ විඳින
අනාගත සිහින ගැන
මංමුලා වී බලන
ගිළුණු ඇස්
සිනාසෙන
නමුදු මුව
නොපොපියෙන
කෙස් පැසුණු
මුත් තරුණ
බේබද්දා යැයි කියන
ඇසුණු විට සිනාසෙන
සථිර වූ පා පතින්
අවන්හල හැර යනෙන
එවන් රුව නොදුටු තැන
දැනෙන තෙත කාංසිය
මකාලන්නට එන්න
සොයන්නට ගොස් ඔහුව